एक हुल हावाहरु आउँछ एक हुल हावाहरु

कबिता
एक हुल हावाहरु
आउँछ एक हुल हावाहरु
र जाना जान सुमसुम्याउछ
बेप्रबाह कुमारी कपाल
पातर हावाहरु!!!!
 
जति जति हल्लाउछ बतास केस
मुटुको कुनै कुनामा
यस्तरी छुन्छ मलाई
तिम्रो यादको एक झोक्काले
कास म तिम्रो र तिमी मेरो
मिलन सम्भव भए ।।।।।
 
भुलिजानेहरुकै याद बेशी
छोडिजानेकै माया धेर
र नपाउने कुराको मोह
फेरि पनि फर्काएर ल्याउन सके
बगि गएको ओरालोको पानी जस्तो
तिम्रो मधुरो यादहरु।।।।।
 
कयौ पल्ट म तिम्रो यादबाट
करोडौं माइल पर पुगिसकेको हुन्छु
तर फेरि एक बतासकै एक हुल काफी हुन्छ
शून्य माइलमा ल्याएर छोडिदिन
र बेप्रबाह गरि हिडिजान्छ अनि
र म तड्पिरहन्छु पानी बिनाको माछा जस्तो
तिम्रो यादको मरुभुमिमा
खै कुन्नि तिमी कुन रुमानी सपनाहरू मा
छौ???
 
बदल्दै गर्दा दिनहरुले आफ्नो रंग
म पनि बदलिन चाहान्छु
र फिक्का फिक्का हुन चाहान्छु
भो अब मलाई रंगिन सपनाहरू देख्ने रहर
छैन
आज सम्म रुवाएका छ्न हरेक मेरा
सपनाको चाङ्ग हरुले
अधेरी बस्तिहरुमा
र सुस्ताएका छन खुशिहरु
सायद तिमी मै सुरुवात अनि अन्त्य भएछ
एक अंगालो रंगिन खुशिको किरण हरु
 
सुमित्रा अश्रुधारा
काठमाडौं

Leave a Reply

Your email address will not be published. Required fields are marked *

Subscribe To Our Newsletter