अन्नपूर्ण बेसक्याम्प घुम्न गएको चार कोरियन सम्पर्कविहीन

कास्की, ४ माघ । अन्नपूर्ण बेसक्याम्प घुम्न गएका ४ जना कोरियाली सम्पर्क बाहिर भएका छन् । जिल्ला प्रहरी कार्यालय कास्कीका अनुसार बेसक्याम्प घुम्न गएका ९ जना कोरियाली नागरिकको टिममध्ये ५ जनालाई जिवितै उद्दार गरिएको छ ।
अत्यधिक हिमपातका कारण बाँकी ४ जना हराएको हुन सक्ने प्रहरी अनुमान छ । ट्राभल नेट भन्ने संस्थाबाट पाएको जानकारी अनुसार बेसक्याम्पमा गएका ९ कोरियाली नागरिक मध्ये ४ जना सम्पर्क बाहिर रहेको जिल्ला प्रहरी कार्यालय कास्कीका एसपी दानबहादुर कार्कीले जानकारी दिएका छन् ।
‘मोबाइलमा चार्ज सकिएर पनि सम्पर्क हुन नसकेको हुनुपर्छ,’ उनले भने, ‘हामीलाई प्राप्त सूचनाअनुसार बेसक्याम्प घुम्न गएका ९ जनामध्ये ५ जनाको उद्दार भइसकेको छ ।’
चिसोका कारण उद्दार हुन कठिनाई परेको उनको भनाई छ । कोरियाली ९ सहित नेपाली नागरिक पनि उक्त टिम सहभागी हुन सक्ने उनको अनुमान छ ।

Leave a Reply

Your email address will not be published. Required fields are marked *